meri tamanna hai ke dil ke dabe raaz
aapko sunaau
haalat kyaa hoti hai ishq mein ye
aapko batlaau

aap se kyaa sharmaana
aap sab ho mere apne
toh sunaata hoon kaise
dil ki baat kehne par
tut jaate hai sapne

ek din mujhse raha nahi jaa raha tha
dil ke armaano ko dabaa nahi paa raha tha
dil ki baat kaa humein izhaar karna tha
humein usse pyaar hai bus itnaa kehna tha

ladki kunwaari hai yeh humne suppose kiya
aur sidha uske ghar jaake use propose kiya

lekin mera time thoda kharab chal raha tha
jo kabhi socha na tha woh aaj sach ho raha tha

mere saamne dekhta hoon toh kyaa
ladki ki god bharai chal rahi thi
aur uski poori family bhi wahin khadi thi

mujhe lagaa mujhse yeh bhool kaise ho gai
kambakht zabaan bhi sabke saame dil ki baat keh gai

phir hona kyaa tha ,
uski family ne mere prastaav ko oppose kiya
aur hameshaa ke liye mujhe dispose kar diya

lekin mere dil kaa fuse tab bhi jal raha tha
kisi ke pyaar ke liye maano tadap raha tha

aur yeh gaana bhi gaa raha tha ke
"tu nahi toh koi aur sahi
koi aur nahi toh koi aur sahi"

mere din guzar rahe the kuch aise hi
mujhe kyaa hua tha pataa nahin

maine socha main phir kabhi pyaar nahi karungaa
kaanton se bhare is raaaste par kabhi naa chalunga

lekin har baar hum uski or khiche chale jaate hai
jaane kyon kaamdev apna teer hum hi pe chalaatein hai

is baar phir hum ishq ke nashe mein doob gaye
aur jis par itni der se nazar tiki thi us se apni dil ki baat keh gaye

lekin usne mujhe seriously nahi liya , use lagaa
usne din mein hi sapnaa dekh liya, maine kaha

"sapna nahi haqiqat hai ,
mujhe sirf tujhi se mohabbat hai"

woh boli, "kyaa musibat hai, ab yeh kaisi aafat hai "

maine phir kaha
"tumhaari taaarif mein ek nazraana pesh karta hoon
ijaazat ho toh ek sher arz karta hoon"

shaayad use bhi mujhe karnaa tha aabaad
is liye usne bhi keh diya irshaad irshaad

maine kaha
"tu hi meri nisha hai
tu hi mera nasha hai "
mujhe bich mein hi tok ke woh boli
"shakal aaine mein dekh kar aa
tu hi balbeer paasha hai!!"

main toh chala tha hone aabaad
par usne mujhe kar diya barbaad

jab apna hi sikka khota ho
toh kis se karoon main fariyaad
kis se karoon main fariyaad ...

toh janaab, aapko bhi agar aisi koi fariyaad hai toh bejijhak humein bataayiye ... aakhir ghum baatne se halka hota hai :P